【Now財經台】截至早上11時止，過去1小時內《彭博》用戶搜尋量最多港股，依次為曦智科技(01879)、友邦保險(01299)、港鐵公司(00066)、英諾賽科(02577)及紫金礦業(02899)。
曦智今日(4日)開市前停牌，集團昨日(3日)召開董事會，而公司上月下旬曾發公告，指考慮及批准派發末期股息，集團最新表示，唔建議派付2025年度股息，股份午後復牌一度急瀉逾15%，低見600元，曦智上市僅逾1個月就停牌，情況係咪罕見？
資深股評人曾永堅表示，市場擔心係正常反應，因為市傳曦智營運數據有問題，事實上，公司上市唔夠1個月就話考慮派末期息，集團本身係蝕緊錢，會惹嚟動用上市集資所得派錢畀自己人及原有股東質疑。
Jasper又指，過去一兩年，唔少新股營運數據出問題，某程度或反映港交所(00388)把關不力，呢啲問題會影響本港金融市場健康，佢又指出，係咪應該考慮將IPO監管工作交畀證監會，呢個問題都值得研究。
