【Now財經台】騰訊控股(00700)季績對股價冇提振作用，連日喺低位徘徊，昨日(18日)再見1年低位，但今朝(19日)彈返少少，早段一度高見468元，升4.3%。雖然騰訊股價冇起色，但好友仲未投降，股價今日升返少少，食糊嘅好友多唔多？還是反手做淡？
花旗上市衍生產品部副總裁麥穎儀指，過去幾日，騰訊都係最多資金流入好倉嘅個股，因為投資者不停喺低位撈貨，雖然今日股價升，但離場嘅好友唔多，好倉資金流樂觀情緒佔逾80%。如果睇好騰訊後市，覺得現價仍然吸引，可以考慮槓桿約8倍，行使價550元，價外19%，11月到期嘅CALL，時間損耗唔大，可以精準部署後市升勢。
