【Now財經台】北京車展上周五(24日)開幕，車股今日(27日)普遍造好，不過，相比以往以發布新車為主，今年反而多咗介紹技術，例如電池、自動駕駛，甚至連供應鏈相關展商，包括華為、寧德時代(03750)、地平線機器人(09660)等，都攞到更顯眼嘅位置，今屆車展轉以技術做賣點，係咪意味今年相關股份比車企更值得留意？
高歌證券金融首席分析師聶振邦指，車展始終係希望為市場帶嚟新憧憬，所以今次更加針對技術層面，如果睇返近期股價走勢，技術相關股的確更值得留意，由2月開始，車股表現都比較參差，相對嚟講，機械人相關股如地平線機器人，股價更強勢，晶片股都有利好嘅情況，其中，寧德時代表現比較亮麗，推出嘅新電池充電速度比起比亞迪股份(01211)嘅刀片電池更快，的確會成為亮點。
聶Sir又認為，未來1至2個月內，技術層面相關股，繼續有資金追入嘅機會仍會較大。
