【Now財經台】截至早上11點，過去1小時內《彭博》用戶搜尋量最多港股，依次為MiniMax(00100)、中芯國際(00981)、比亞迪股份(01211)、騰訊控股(00700)及洛陽鉬業(03993)。
DeepSeek全新旗艦人工智能(AI)大模型「DeepSeek-V4」發布時間較預期遲，官媒發文指，DeepSeek正進行戰略轉變，以更深入地融入國產晶片生態系統。此外，高盛表示，隨著成本結構優化及華為昇騰晶片量產在即，DeepSeek有望加快AI應用落地，以及擴大競爭優勢，係咪會對MiniMax、騰訊等有大模型帶來好大壓力？
富昌證券聯席董事譚朗蔚指，好多公司都有參與大模型製作，所以競爭一定好大，有咩功能、用咩晶片、能否保持供應及低成本等都會有影響，騰訊有自家大模型及其他業務，例如平台、遊戲等，因此，一早被市場睇淡，並保持中性審慎看法，加上自3月炒作「AI小龍蝦」後，股價持續震盪向下，相信好大機會再度跌穿476元底部。
Stevan又指，MiniMax股價連續3個交易日大跌，未來要留意股價有機會落到上市初期水平，即400元水平，佢又提醒唔好貪平急於撈底。
