【Now財經台】阿里巴巴(09988)股價近日自低位逐步反彈，今日(25日)股價繼續有得升，高開逾1%後，升幅一度擴大至近3%，高見126.8元，阿里淡倉繼續有資金流入，5日合計，有480萬元資金流入，好倉5日合計就有8500萬元資金流入，好友有冇反手開PUT博回調？
中銀國際證券衍生產品部董事朱紅指，相比騰訊控股(00700)，阿里股價反彈力度較弱，此外，由於第1季業績差過預期，股價亦較落後，所以較多資金喺股價跌至117元水平時入場博反彈。
CALL輪方面，Niki續指，較多投資者揀行使價167元，今年9月到期，槓桿約6倍至7倍嘅條款，引伸波幅約46%，都係一個合理水平。PUT輪方面，較多投資者揀行使價111元，今年9月到期，槓桿約5至6倍，引伸波幅約43%。
