【Now財經台】國際黃金上星期錄得逾14年以來最大單周跌幅，雖然打仗會令黃金需求大增，但市場對美國聯儲局減息預期降，甚至擔心會掉頭加息，期金上周失守每盎司4600美元呢個重倉位，點睇金價今輪跌浪？
星展銀行(香港)豐盛私人客戶執行董事鄧威信認為，黃金仍有佢嘅投資價值，但今轉升上嚟升得好急，加上依家有好多黃金槓桿式衍生工具，之前已累積咗好多長倉，當價格稍為回調，就會倍大咗個跌幅，好多槓桿式嘅操作就要平倉，所以呢浸有好多呢啲槓桿盤平倉，加上長債息上升，令金價跌勢加劇，反映今年有機會加息，係對金價不利。
港股方面，恒生指數已連跌3周，上周五夜期已率先跌穿25000關，今個星期有唔少重磅股出業績，包括小米集團(01810)、美團(03690)、泡泡瑪特(09992)及老鋪黃金(06181)等，對大市有冇支持作用？
Wilson指出，睇返依家整體局勢，長債息扯高、預期美國聯儲局會掉頭加息、地緣政治等等，呢啲因素嘅影響，相信已經蓋過晒業績效應，佢又認為，業績方面亦唔會有太大驚喜，所以市場焦點仍會落喺外圍嘅問題，業績嘅沖喜作用有限。
