【新一代SU7亮相後】舒淇做代言都阻唔到小米冧價

【now.com財經】小米集團(01810)旗下小米汽車發布，由演員兼導演舒淇做代言人嘅新一代SU7，售價近22萬人仔，但呢個價只係比上一代貴4000人仔，雖然供應鏈零部件、內存等材料價格係咁升，但新一代SU7冇大幅加價，咁成本就要自己食返，加埋公司嘅AI投資好難估到幾時先可以回本，可能因為咁，投資者今日(20日)就掟散咗小米。

小米股價午後跌幅擴大，一度低見33.56元，重挫7.5%，最新報33.76元，暫時成交逾90億元。