【Now財經台】截至早上11時止，過去1小時內《彭博》用戶搜尋量最多港股，依次為信義玻璃(00868)、比亞迪股份(01211)、國泰航空(00293)、佳鑫國際資源(03858)、小米集團(01810)。
佳鑫主要喺哈薩克經營鵭礦，而鵭主要用喺軍事用途，中美不斷喺稀土問題上角力，更一度限制進出口。佳鑫喺今年1月剛上市滿半年，但暫時未有傳嚟任何增持或減持消息，不過，集團上月初發盈喜，預期扭虧轉盈。集團股價今日(2日)逆市大升，一度炒高逾28%，高見126元。
富昌證券聯席董事譚朗蔚估計，佳鑫股價今日(2日)大升可能同鵭因為打仗、軍事用途相關需求增加有關，但Stevan認為，唔應該喺股價單日爆升，以及技術上已超買下追貨，如果想買呢隻股份，建議等股價落返83元水平，才做防守部署，佢又提醒，剛扭虧為盈嘅企業，表現仍有機會反覆，所以不宜高追。
