【Now財經台】截至早上10時45分止，1小時內《彭博》搜尋量最多港股，依次為新鴻基地產(00016)、MINIMAX(00100)、長實集團(01113)、銀河娛樂(00027)及小米集團(01810)。
新地股價今日(27日)創52周新高，一度升逾7%，高見146.5元，集團昨日(26日)派咗中期成績表，基礎溢利按年增長17%至122億元，超預期，中期息增3%至98仙，為市場帶嚟驚喜，喺樓市復甦下，點睇新地前景？
大唐資本投資策略部總監盧志明指，新地呢份業績令人眼前一亮，若未來新盤可逐步加價，物業發展項目毛利率亦可以改善，佢估計，未來半年或大半年新盤都會賣得唔錯，繼而令本地地產股勢頭好轉。
Ken又話，雖然新地股價創52周新高，但參考性唔大，自2010年開始，新地好多時升到135元以上，就開始跌返落嚟，股價今年可以升穿呢個位，創15年新高，相信資金會繼續追入，建議以135元水平作為防守位做部署。
