【Now財經台】截至早上11時止，過去1小時內《彭博》用戶搜尋量最多港股，依次為小米集團(01810)、創科實業(00669)、中芯國際(00981)、比亞迪股份(01211)及中國建材(03323)。
小米股價去年第4季開始跌，去到呢幾日先升返，集團董事長雷軍早前指，正為新一代小米SU7做準備，而小米業績會喺下月出爐，呢啲因素足唔足以撐住股價？
天風國際李偉傑表示，主要有幾個因素，新一代SU7將會喺4月推出，昨日(10日)都做咗晚間直播，小米北京嘅工廠係100%自動化，又有光伏板智能發電，為市場帶嚟驚喜。佢又話，由於存儲晶片價格上升，令小米股價一直跌，出現此消彼長嘅情況，現時市場睇緊小米會唔會有新動作。
Jason續指，小米股價短期阻力喺37.5元水平，如果成功收復及企得穩，呢浸反彈就可以持續。
