【Now財經台】截至早上11時止，1小時內《彭博》用戶關注度上升最多港股，依次為創科實業(00669)、紫金礦業(02899)、 聯想集團(00992)、洛陽鉬業(03993)、紫金黃金國際(02259)。
創科實業股價今日(5日)一度大升9%，高見145元，其後升幅收窄，集團中期業績強勁，收入及盈利均遠勝預期，毛利率大升至42.9%，亦遠好過預期，雖然業績靚，但《彭博》12個月目標價只係睇156.6元，以現價計，上望空間僅約10%，依家買入仲值唔值博？
富途證券高級分析師馮文慧表示，創科實業唔係高增長人工智能(AI)股，所以大行畀嘅評級都唔會太進取。業績方面，收入、盈利及毛利率都超預期，反映盈利能力及收入能見度持續改善，加上資金不斷流入，今日出現大陽燭，升勢相當亮麗，但目標價介乎150至170元，水位唔算多，值博空間僅10%至20%。
Anna又指，睇返技術走勢，創科實業高位回套壓力都幾大，所以唔好係最新高位衝入去，等股價回落返再進場，值博空間會更大。
