【Now財經台】截至早上11時止，過去1小時內《彭博》搜尋量最多港股，依次為美團(03690)、小米集團(01810)、創科實業(00669)、康方生物(09926)及騰訊控股(00700)。
創科實業股價近期表現唔錯，今朝(14日)一度升逾4%，高見130.6元，其後保持升勢。瑞銀指，創科實業管理層重申，有信心今年收入增長6%至7%，主要受惠於旗下美沃奇(Milwakee)錄得低雙位數增長，人工智能資料中心(AIDC)相關銷售強勁，原本預期息稅前利潤(EBIT)利潤率達明年才可以達到10%，但依家預期今年已可達標，喺現時市況唔明朗下，創科實業算唔算係穩陣之選？
資深證券分析師彭偉新認為，創科實業股價波動性大，所以唔算係一隻穩陣嘅股份，但每次股價顯著回調後，都可以再重拾升勢，主要係數據中心未來都要用集團嘅電動工具、產品，估計公司可維持強勁增長。此外，創科實業主要出口電動工具及戶外設備去美國，而近期當地房地產銷售理想，相信家居、DIY工具業務增速會較快。
Castor估計，創科實業股價會繼續升，亦認為應該未見頂，投資者可以繼續睇好。
