【Now財經台】自美高梅中國(02282)宣布明年開始，上繳比母公司嘅授權費用率大升1倍後，股價已連續第2日急挫，雖然摩根士丹利及瑞銀隨即出報告唱淡，但目標價仍遠高於現價，其實係咪市場過分憂慮，導致股價跌過龍？
元宇證券大中華區股票投資總監趙晞文指，授權費用率倍升，市場反應大係正常，相比授權費用率，其實投資者更擔心公司決策有問題，所以管理層未來有需要澄清。佢又指，授權費屬於母子公司嘅關聯交易，喺上市公司中並唔罕見，加上通常設有年度上限(Annual Cap)，唔會冇上限咁遞增。
晞文建議，喺依家資訊未完全明朗下，投資者不妨持觀望態度，亦可以留意2026年1月母企出業績時，管理層會唔會有更清晰嘅指引，到時再做部署。
