【Now財經台】截至早上11時止，1小時内《彭博》用戶搜尋量最多港股，依次為美高梅中國(02282)、泡泡瑪特(09992)、友邦保險(01299)、騰訊控股(00700)及新城發展(01030)。
港股今日(5日)普遍都Risk Off，軟件及科技股下挫，資金轉炒相對落後嘅消費股，其中，泡泡瑪特股價今朝一度升至251.2元高位，大升近6%，但隨即殺返落嚟，今輪反彈係咪已接近尾聲？
方德證券研究部分析師李浩然認為，依家市場普遍對谷子經濟睇法較負面，令資金從擠擁科技股流向較落後嘅板塊，令落後板塊出現復甦情況。佢指出，泡泡瑪特股價今日自高位回落咗唔少，反映250元阻力大，而高過300元嘅蟹貨壓力亦唔細。
Eric相信，泡泡瑪特股價未來會點行，相信要等出完業績，睇下市場有冇新催化劑先可以評估到，佢又估計，泡泡瑪特股價短期未必可以進一步反彈。
