【Now財經台】截至早上11時止，過去1小時內《彭博》用戶搜尋量最多港股，依次為中芯國際(00981)、中國移動(00941)、友邦保險(01299)、泡泡瑪特(09992)及老鋪黃金(06181)。
老鋪黃金股價今日(24日)一度挫逾5%，低見656元，失守多條主要移動平均線，國際金價今年累升逾70%，而且升得好急，集團係咪趕唔切透過加價，將成本轉嫁予消費者？產品未來會唔會加價？
高歌證券金融首席分析師聶振邦指，理論上加價可以轉嫁予消費者，但如果國際金價升得太急，公司就未趕及加價。此外，市場預期美國明年減息步伐會快過今年，美元弱會帶動金價向上，所以老鋪黃金喺成本控制方面或面臨挑戰。
聶Sir又指，近日見到消費者喺小紅書出售老鋪黃金金飾，二手價較一手價折讓20%至30%，反映情感價值未能帶動老鋪黃金產品價格維持喺高水平，佢相信年底前，集團股價都會偏軟，要留意650元有冇支持。
