【Now財經台】截至早上11時止，1小時內《彭博》用戶關注度上升最多港股，依次為快手(01024)、國泰航空(00293)、中國平安(02318)、騰訊控股(00700)、石藥集團(01093)。
Spotify昨日(22日)被爆發生嚴重數據外洩事件，專門備份書籍及文獻嘅網站Anna’s Archive宣布，成功備份Spotify近100%內容，並以Torrent方式，即BT，發布相關內容，但事件未有震散股價，反觀同樣「受襲」嘅快手，昨晚有大量色情內容湧入，公司迅速應對兼報警，快手股價今日一度挫近6%，點解反應差天共地？
富途證券高級分析師馮文慧指，海外及國內企業文化唔同，對消息反應亦唔一樣，內地企業對安全隱患等問題較敏感，拖累快手股價今日大跌，但公司迅速處理，令事件唔會擴大，其實快手股價今年升咗唔少，投資者可能趁機喺高位獲利，令股價出現沽壓。
Anna又話，快手業績穩定增長，又不時做回購，加上發展人工智能(AI)模型有助未來增長，中長線前景仍然唔錯。
