【Now財經台】油價近期下跌，昨晚(16日)更一度跌穿每桶55美元水平，人仔就受惠於多項利好因素而升值，內航股連日造好，其中，中國國航(00753)股價今日(17日)一度逾升6%，高見6.9元，中國南方航空股份(01055)更一度炒高逾8%，高見5.7元，如果睇好呢類股份可以點部署？
信達國際研究部助理經理陳樂怡指，3大內航股嘅燃油成本佔比有差距，相信同航線分布及公司採購機制有關，投資者除咗關注呢個問題外，仲要留意公司點樣「消化」成本，以提升每公里收入，再去評估公司盈利能力。
Tracy又話，如果油價持續向下，對航空公司都有幫助，咁就要睇邊家航空對油價敏感度最高。佢續指，大中內航股之中，以國航基本面較好，所以短期可睇高一線。
