【Now財經台】截至早上11時止，1小時內《彭博》用戶關注度上升最多全球股票，依次為申洲國際(02313)、紫金礦業(02899)、新世界發展(00017)、小米集團(01810)及普拉達(01913)。
出口股申洲股價今日(4日)高開逾2%後，走勢突然逆轉，一度倒跌逾4%，低見67元，點解會出現呢個情況？
資深證券分析師彭偉新指，申洲股價近期走勢反覆，情況更逐步增大，睇返技術走勢，上唔返11月高位之餘，14天RSI亦轉弱，走勢明顯出現疲態，因此，後市再大跌機會唔細。
Castor又話，相對於關稅，申洲業務表現更受經濟影響，股價今日受壓，會唔會集團有啲利淡資訊仍未對外公布，未來要關注申洲最新消息，以評估股價走向。
