【Now財經台】截至早上11時止，過去1小時內《彭博》用戶搜尋量最多港股，依次為比亞迪股份(01211)、快手(01024)、三生製藥(01530)、萬科企業(02202)及長和(00001)。
比亞迪內地銷售轉弱，反觀海外市場增長強勁，其中，11月乘用車銷量按年大升近3倍，但隨著愈來愈多內地車企海外廠房落成投產，對比亞迪有冇影響？
富途證券首席分析師譚智樂表示，比亞迪海外銷售佔比愈來愈大，但其他內地大型車企亦有相同情況，靠進軍海外市場維持高增長，不過，車企股價會唔會升，唔係單睇海外市場表現，因為競爭同樣激烈。
Arnold續指，依家比亞迪主要面對高基數問題，導致股價今年逆市跌，不過，車企最新銷售數據顯示，行業冇預期咁差，亦係股價可以喘定其中一個原因。佢又指，比亞迪今年曾下調銷售目標，投資者應留意公司未來部署或睇下有冇新車推出，令集團可以喺高基數下繼續維持增長。
