【Now財經台】截至早上11時止，1小時內《彭博》搜尋量最多港股，依次為泡泡瑪特(09992)、萬科企業(02202)、廣汽集團(02238)、美團(03690)及安踏體育(02020)。
內地工信部等6部委提出要谷內需，當中包括潮流文化領域，帶挈泡泡瑪特股價昨日收市升近7%後，今日(28日)一度再升5%，高見229.8元，雖然有大行下調目標價，但摩根士丹利估計，集團明年增長動力持續。
資深證券分析師彭偉新指，大摩睇法偏向正面，主要睇到內地推動潮流文化及IP呢個趨勢，令市場多咗一個炒作藉口，雖然泡泡瑪特銷售增長強勁，但短線嚟睇，銷售增速係慢咗，如果二手回收價亦繼續收窄，未必可以維持強勁銷售增長，繼而打擊整體盈利。
Casper又話，睇返泡泡瑪特技術走勢，上到保力加通道頂部就開始升唔到，又指200元水平有支持，所以暫時唔使太擔心。
