【Now財經台】李寧(02331)昨晚(19日)派咗去年派成績，全年收入按年增長3%，盈利倒退2.5%，但仍好過預期，不過，睇返依家嘅經濟及消費環境，增長係咪可持續？
王道資本及家族資產管理執行董事黃敏碩指，相對於同業如安踏體育(02020)的多品牌發展及「出海」策略，李寧業務定位彈性較細，加上現時內地嘅內需仍然疲弱，短期而言，佢對李寧前景會持觀望態度。
雖然李寧預期，今年收入及淨利潤率會錄得高單位數增長，不過，但喺依家嘅體育用品市場中，李寧嘅品牌效應唔足以做「領頭羊」，可能都要靠整個行業好轉，再帶動公司銷售。
另一方面，由於中高價位市場競爭好大，要靠折扣、性價比等吸引客戶，呢方面都會對李寧毛利造成一定壓力。
Michael又指，李寧估值唔算吸引，加上內需股現時唔係市場嘅熱門投資主題，事實上，體育用品股熱度已經冷卻，因此，如果做中長線部署，唔建議吸納李寧。
