【Now財經台】安踏體育(02020)今日(25日)中午出咗業績，去年少賺近13%，收入按年增長逾13%，毛利率微跌至62%，派完成績表後，安踏股價大幅波動，一度跌近2%，係咪因為呢份業績冇太大驚喜？咩原因導致旗下品牌嘅毛利率全線下跌？
方德證券高級分析師莫灝楠表示，由於成個行業「內捲」情況嚴重，所以安踏股價其實都走弱咗一段時間，去年7月、8月開始已冇乜點升過，體育用品公司如Nike、Adidas，喺推出新產品嘅同時，亦不停減價去庫存，但市民買唔切，就會造成「螺旋式」減價情況，由於消費者認為買邊個牌子都無所謂，就導致行業競爭加劇，繼而令毛利率下跌。
Casper又話，阿里巴巴(09988)、美團(03690)及京東集團(09618)等電商價格競爭非常激烈，消費者會好認真咁格價，如果相同產品定價比其他電商貴蚊就會輸。
佢續稱，雖然門店定價貴，但成本亦相對貴，公司賣貴啲就會令門店的毛利率上升，雖然大數喺電商度，但反而線下嘅毛利率會比較好。
