【Now財經台】截至早上11時止，1小時内《彭博》用戶搜尋量最多港股，依次為映恩生物(09606)、廣汽集團(02238)、老鋪黃金(06181)、泡泡瑪特(09992)及普拉達(01913)。
廣汽宣布同寧德時代(03750)及京東集團(09618)聯手推出「國民好車」，下個月就會發布，市場今日(15日)炒作呢個消息，刺激股價一度大升逾13%，高見3.57元，「國民好車」效應係咪可以繼續推高廣汽股價?
資深證券分析師彭偉新認為，除咗舊車減價，推出新車一定會推高整體銷售，所以會令投資者有憧憬，但佢認為，廣汽等暫時未有公布「國民好車」售價及賣點，股價有少少炒過龍之嫌。
Castor又話，由於內地汽車市場出現放緩情況，當股價一窩蜂咁推上去時，會令更多投資者趁機食糊離場，未必真係睇好廣汽。
