【Now財經台】截至早上11時止，1小時內《彭博》搜尋量最多港股，依次為泡泡瑪特(09992)、普拉特(01913)、中芯國際(00981)、萬科企業(02202)及紫金礦業(02899)。
近期泡泡瑪特股價時好時壞，今日(22日)就升得唔錯，高開後，一度升逾4%，高見201.8元，市傳Labubu電影導演係Paul King，佢之前有執導過同類題材，票房大收，如果消息屬實，泡泡瑪特股價可以炒到幾高？
大唐資本投資策略部總監盧志明指，呢個消息的確對股價有啲幫助，但最終仍要睇返IP係咪受歡迎，暫時都仲有啲憧憬嘅。
Ken又話，泡泡瑪特股價時好時壞，雖然利好較多，但股價炒一浸又冇力再上，睇返技術走勢，股價沿住大型下降軌落嚟，暫時睇唔到2024年嘅大升浪會重臨，短線要留意2個阻力，分別係220元至230元，亦要留意成交配唔配合。
