【Now財經台】攜程集團(09961)股價近日走強，企穩幾條主要移動平均線，今朝(19日)成功突破600元關口，一度高見613元，升2.4%，創新高。「十一黃金周」就快到，攜程係咪可以繼續睇好？CALL或牛證點揀好？
星展香港環球金融市場上市產品策略師鍾宛婷指，攜程股價繼續破頂，商務部近日推出新措施谷消費，相信旅遊業可以受惠。據攜程最新數據顯示，國慶期間旅遊定單量大增58%，反映旅遊需求非常強勁。
佢又指，攜程CALL比牛證更值博，因為股價不斷向上，距離收回價愈來愈遠，槓桿會愈來愈細，相反，股價愈近行使價，爆發力就愈大，所以值博率更高。產品方面，建議選擇距離現價約10%，今年12月到期，實際槓桿6倍以上嘅CALL。
