【Now財經台】截至早上11時止，1小時內《彭博》用戶搜尋量最多港股，依次為協鑫科技(03800)、信義光能(00968)、新鴻基地產(00016)、紫金礦業(02899)及中國生物製藥(01177)。
內地近日發布嘅文件提及要破除光伏業「內捲式」競爭，光伏相關股升幅顯著，其中，協鑫科技今日(5日)股價一度勁升12%，高見1.47元。雖然上游產品價格穩定咗，但似乎冇乜實質幫助？光伏股後市點睇？
大華繼顯執行董事梁偉源指，光伏「反內捲」政策已推出3至4個月，但光伏產品價格仍然喺低位徘徊，光伏組件合格率由2019年嘅100%跌至2024年嘅62.9%，數據反映過去幾年光伏產品產能過剩，佢相信，內地會加快政策出台及整頓行業，而龍頭企業會受惠於產業整頓，所以股價今日反應較大。
Steven又話，過去幾個月，政策都對股價有刺激作用，但市場好快已消化咗，因為產品價格未能扭轉弱勢，所以股價升勢唔會維持得太耐，佢估計，協鑫科技股價今日大升後，就會慢慢回落，直至有新政策出台及光伏產品價格回升，股價才可以形成上升趨勢。
