【Now財經台】老鋪黃金(06181)中期多賺2.85倍至22億人仔，收入按年大增2.5倍，符預期。集團主打一口價黃金，需求喺金價上升周期特別受惠，近幾年嘅高速增長期，基本上都係食住金價升浪，金價係咪維持收入高速增長嘅關鍵？股價仲有幾多水位？
元宇證券投資總監林嘉麒指，好多消費者喺金價上升時先追金，若金價未來繼續向上，公司好大機會提高溢價，加上用古法手工製造黃金產品，所以加價能力同金價有一定關係。
KK又睇釨金價後市，因為美元持續弱勢，美息或會下調，聯儲局今年有機會減息2次或以上，雖然減息唔代表金價短期走勢，但若未來1、2年仍處於減息周期，將有利金價表現。此外，喺去美元化之下，非美元資產會吸引唔少資金，令資金不斷流入金市。
股價方面，KK話，老鋪黃金780元水平係之前幾次嘅支持位，由於貨源歸邊及憧憬毛利率向上，股價有機會上試900元至1000元。
