【Now財經台】騰訊控股(00700)、京東集團(09618)及阿里巴巴(09988)等科網巨企，今個星期會陸續派成績表，投資者有咩要留意？市場一直關注人工智能(AI)對呢啲公司業績有幾大幫助，今季係咪要繼續留意AI相關業務發展？
星展銀行(香港)豐盛私人客戶執行董事鄧威信指，由於過去「內捲」非常嚴重，所以科技或平台經濟股業績，仍要留意利潤率損耗、現金流及收入等數字。
他又稱，雖然依家AI只係前期投資，但肯定係未來發展重點，所以投資AI係必須，值得留意係，由於開發機器人需時較長，意味要一段長時間後先會見到成效，尤其係京東，因為公司本業唔係做AI，所以距離步入收成期嘅時間更長。
