【Now財經台】恒瑞醫藥(01276)同葛蘭素史克(GSK)達成授權協議，前者將1款治療慢性阻塞性病藥物權利授予GSK，消息刺激恒瑞股價今日(28日)一度飆近20%，高見81.2元，之前三生製藥(01530)跟輝瑞(Pfizer)合作，總額只係恒瑞嘅一半，但股價已大幅上升，係咪代表恒瑞呢浸升勢只係啱啱開始？
博威環球證券金融首席分析師聶振邦指，恒瑞同GSK嘅授權協議，金額係一個亮點，更刷新內地藥企「出海」項目新高，繼而刺激股價今日大勁升，消息面係利好，但短線要再出現倍數升幅機會較微。
聶Sir又話，依家創新藥板塊潛力大，亦有一定吸引力，如果恒瑞可以成功將自主開發嘅藥品商業化，估值都可睇高一線，跟同業比較，6月至今三生製藥股價累升61%，恒瑞僅累升37%，有一定追落後空間。
