【Now財經台】中國銀行(03988)、工商銀行(01398)、建設銀行(00939)及郵儲銀行(01658)H股今日(11日)又破頂，高息及中特估因素，加上內地國債息太低，令內銀股呢類穩陣收息嘅股份升唔停，依家息率已落到5厘水平，未來會去到咩位置？
元宇證券基金投資總監林嘉麒指，如果用內銀股息比較返內地投資回報，兩者相差4厘至4.5厘，內地國債息太低，加上造定存幾乎冇乜息，內地資金就開始向外搵出路，可能因為內銀股穩陣，又或者搵唔到更好嘅板塊投資，喺「好過冇」嘅諗法下投資內銀股，但值得留意係，內銀股過去只係每年派1次中期息，今年就派兩次，就算息率回報唔夠以前高，仍會吸引資金流入。
KK續指，市場未必可以用過去10年數據，評估依家息率去到邊個水平就會回落，原因係內地從未試過維持低息咁耐，佢又相信，內銀股估值會被推高返，變相推低依家嘅息率回報，唔排除會落到4厘。
