【Now財經台】美國人工智能(AI)晶片巨企英偉達(Nvidia)將會喺本港時間周四(26日)凌晨，舉行線上股東大會，有咩焦點值得留意？Nvidia股價喺股東大會後會唔會有炒作？
南華金融集團副總裁莫灝楠估計，Nvidia會喺股東大會交代Blackwell及Rubin兩款晶片最新發展，以及集團對中國及中東市場前景嘅睇法，仲有未來產品增長點及資本支出等。
Casper續指，以現價計，Nvidia市盈率(PE)約30倍，預期產品更新可進一步推高銷售數字，股價亦有再破頂嘅動力，又認為依家PE唔貴。不過，佢唔建議買Nvidia影子股，反而直接揀返晶片龍頭台積電(TSMC)或Nvidia會更好。
港股方面，Casper指出，同Nvidia相關概念股唔多，較直接係聯想集團(00992)及鴻騰精密(06088)，又或者環球半導體交易所買賣基金(ETF)。
