【Now財經台】截至早上11時止，過去1小時內《彭博》用戶搜尋量最多港股，依次為智譜(02513)、美團(03690)、稀宇科技(MINIMAX)(00100)、友邦保險(01299)及聯想集團(00992)。
智譜、MINIMAX股價持續強勢，今日(13日)又逆市炒上，依家資金由大型科企轉投人工智能(AI)新力軍，呢個趨勢會持續幾耐？投資者應該點揀好？
大華繼顯執行董事梁偉源表示，智譜、MINIMAX都係「AI六小虎」之一，市場憧憬餘下4隻「老虎仔」亦有機會嚟香港上市，一旦成事，可望再推高智譜、MINIMAX估值。
佢又指，智譜、MINIMAX嘅IPO基投對投資者嚟講比較吸引，加上街貨唔多，股價就夾高咗，上市至今股價累積升幅以倍數計，但如果資金繼續追貨，就較難估計個頂喺邊度。
