【Now財經台】聯想集團(00992)今日(22日)出咗業績，其中，第4季純利及毛利率都要跌，但收入有增長，集團都有為去年毛利率下跌解畫，主要受基礎設施方案業務毛利率較低拖累，但睇返過去4個財季，相關業務收入一直有增長，尤其係去年10月至12月嘅第3財季開始，經營溢利成功扭虧，但仍處於燒錢期，幾時先會步入收成期？
耀才證券研究部總監植耀輝相信，基礎設施方案業務仍要一段時間先可以步入收成期，人工智能(AI)及數據中心方面嘅商機非常大，基本上可以話係「兵家必爭之地」，由於集團依家較則側重數據中心業務，所以加大呢方面嘅投入或經營支出係好合理。
Stanley又指，如果拆返開份業績睇，下半年條數一定比上半年好，只係AI及數據中心方面有太多競爭對手，導致毛利率受壓情況比較明顯。
