【Now財經台】中銀香港(02388)昨日(26日)出業績時，同步公布提升股東回報計劃，包括改變派息政策，未來會每季派息，計劃獲大行睇好。雖然投資者未來收息時間縮短，但唔代表會公司派多咗息。中銀股價今日(27日)一度大升8%，高見32.25元。呢個派息政策對股價提振作用有幾大？
富途證券首席分析師譚智樂指，公司每個季度派息被市場視為一個利好因素，但唔係支持股價上升嘅唯一因素，考慮到現時嘅經濟環境，公司唔太需要做收購及重組合併，可能只係減少開支及削減成本等，未必會降低派息比率。Arnold又話，喺公司資本充足下，派息水平有條件維持5厘以上。
