【now.com財經】噚日隻比亞迪(01211)牛證(56725)，Set好借小時圖50線做一方量度線，去到下半場時見條10線都可以做埋支持，索性夾住呢兩條線做支持繼續Hold住隻(56725)。
恒指尾市都幾叻仔，2點半到一直係咁上到3點半，升足一個鐘將指數由大約236位置推到上239見過，作戰室進住指數玩嘅戰友尾段時間出好倉追升食餬；而我勁懶地上半場比迪牛出過咗之後，見差唔多收市，股價上到小時圖中軸唔過+出上影線就收咗工。
唔複雜當唔過夜注即收市前10分鐘走貨，按期內(56725)高低位做過0.073元/0.071元，平均走貨價為0.072元，呢一趟平均執24格或50%！
有時指數唔郁都唔好死loop喺條恒指度，向個股出發都有唔錯嘅收獲。
再望下個期貨，ADR見紅跌逾200點，而期貨依家見跌緊359點，報23,609點。喺期貨嗰圖上面見，指數繼續被條10線壓住同時，20線亦都要再穿多一次。
恒指完U開出嚟嘅擺位已經低走返條日線20天線，「無腦淡咪得囉?!」少年你睇埋個小時圖先講啦，指數開市口價同步一下撻返落去小時圖150線，呢條線玩咗兩日啦，噚日以為終於覓支持上，今日再撻多次。
差不多10點時見指數終於比到一個方向出嚟，小時圖150線終於都穿，作戰室淡倉一早出咗嘅都爬住格仔收。及至10點後牛證第一層街貨23,500至23,599點全數被收回，至於23,400至23,499點呢層牛證嘅街貨比起23,500至23,599點嘅為多，以近10層嘅牛證街貨計，佢都算係第二重貨牛。
恒指熊(59417)，收回價24,220點，同現價有逾670點距離已經係最近，槓桿有約32.7倍一定夠DT做，依家10點24分指數開始再入多次23,500點樓下，作戰室啲淡倉再掟多次啦，希望你都掟得砌啦！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
