【Now財經台】截至早上11時止，過去1小時內《彭博》用戶搜尋量最多港股，依次為長和(00001)、藥明生物(02269)、友邦保險(01299)、蒙牛乳業(02319)、中國飛鶴(06186)。
友邦今日(14日)開市前出咗業績，新業務價值繼續創新高，集團又宣布新一輪價值16億美元嘅股份回購計劃，但股價今日持續向下，係咪市場嫌回購規模細？股價有冇追落後空間？
大華繼顯執行董事梁偉源認為，其實回購金額唔算少，新業務價值增長亦好理想，股價由2月中約51元升到依家嘅60元水平，已經升咗唔少，集團基本因素好，新業務價值增長又理想，其實股價都唔算跑輸大市好多。
Steven又話，友邦股價現時只係短暫獲利回套，若大市仍有上升動力，友邦股價喺60元水平會有較大支持。
