【Now財經台】截至早上11時止，1小時内《彭博》用戶搜尋量最多港股，依次為中芯國際(00981)、華虹半導體(01347)、創新實業(02788)、長和(00001)及快手(01024)。
晶片股今日(24日)受壓，市傳美國政府可能為英偉達(Nvidia)H200晶片出口「開綠燈」，但市場焦點已轉至內地廠商仲會唔會，因為中央鼓勵以國產晶片替代外國產品，對晶片股有咩影響？
富昌證券聯席董事譚朗蔚認為，美國總統特朗普(Donald Trump)政策朝令夕改，即使呢一刻批准對華出口晶片，下一刻可能又禁過，因此，內地專注人工智能(AI)發展嘅企業，都唔希望比美國「揸住條頸」，所以用國產晶片替代逐漸成為大趨勢。
Stevan又提及，資金最近唔睇科技股，又指中芯及華虹都要守住69元水平，但今日都已經失守，因此，即使中長線升浪可以維持，投資者暫時都應忍手，以避開風險。
