【Now財經台】《彭博》最新一篇報道指，阿里巴巴(09988)之前受監管風暴及疫後消費下滑夾擊，令公司被投資者「離棄」，不過，阿里近日明顯再度「得寵」，幫公司成功翻身其中一個功臣一定係DeepSeek，Solomons Groupolomons Group亞太區投資及ESG主管Andy Wong認為，DeepSeek嘅出現為中資科技股帶嚟既新又強嘅催化劑，又話睇好阿里會有更可觀及穩固嘅中期盈利成長前景。
睇返阿里股價，踏入2025年，喺1月見過今年低位後就回勇，今年暫時已累升近45%，期內恒生指數就累升25%，市值進帳逾800億美元，表現完勝一眾大型科技股如百度集團(09888)、京東集團(09618)及騰訊控股(00700)等宿敵。
