【Now財經台】內地廣電總局昨日(5日)進一步收緊微短劇監管，未來微短劇會分3類、分3個層級進行審核管理，但對百度集團(09888)、阿里巴巴(09988)及騰訊控股(00700)等股價影響似乎唔大，不過，業務相對集中喺短片方面嘅快手(01024)，係咪會受較大影響？
艾德金融執行董事陳政深指，暫時唔使擔心快手，因為集團去年首3季收入達900億人仔，當中線上營銷服務收入佔整體收入56%，而線上營銷及短片係快手主要收入來源，反而受規管嘅微短劇唔係快手主業，所以唔需要擔心。
股價方面，Ryan話，快手技術走勢冇明顯轉差，所以現階段唔使過分憂慮。
