【Now財經台】截至早上11時止，1小時內《彭博》搜尋量最多港股，融創中國(01918)、港鐵公司(00066)、申洲國際(02313)、美團(03690)及金沙中國(01928)。
融創上周五(10日)被信達香港申請清盤，拖累股價當日急瀉25%，集團公布最快2025年3月會公布二次境外債重組方案，融創股價今早(13日)一度逆市飆逾12%，市場係咪博公司可以平安渡過今次債務危機？還是只係股價跌過龍反彈？
富昌證券聯席董事譚朗蔚指，唔建議咁快就睇得太樂觀，融創今日反彈其實收復唔到幾多失地，始終公司基本因素唔太好，原本以為信貸危機暫告一段落，但睇返依家嘅情況，估計仲有唔少手尾要跟，今次算係敲響咗一個投資警鐘。
佢又話，見到民企內房嘅交易所買賣基金(ETF)近期不斷下跌，除咗融創因素，亦反映市場對整體內房信心再度轉差，內房再度被重重陰霾包圍。
