【Now財經台】截至早上11時止，1小時內《彭博》用戶關注度上升最多港股，依次為東風集團股份(00489)、建設銀行(00939)、中國海洋石油(00883)、萬科企業(02202)、領展房產基金(00823)。
東風股價已連跌3個交易日，今日(23日)一度再瀉10%，低見3.68元，上周本田(Honda)及日產(Nissan)兩大日本車企證實雙方傾合併，以提升應對內地車企競爭嘅能力，以及本土銷售困境，目標係明年6月達成最終協議，東風同本田及日產喺內地都有合作，本田及日產今日開始就合併進行磋商，若成功落實合併，同東風嘅合作有冇影響？
富昌證券聯席董事譚朗蔚指，兩家日本汽車巨頭傾合併，會對東風帶來不確定性，市場係非常關注，集團原定上周五(20日)舉行嘅股東大會臨時取消，惹嚟外界憂慮及猜測，未來要留意會唔會再有其他消息，暫時股價係強勢調整，如果3.9元水平守唔住，走勢就會繼續轉差。
