【Now財經台】截至早上11時止，1小時內《彭博》搜尋量最多港股，萬科企業(02202)、騰訊控股(00700)、銀河娛樂(00027)、中芯國際(00981)及萬洲國際(00288)。
騰訊旗下微盟小程序接入微信小店，刺激微盟集團(02013)股價昨日(19日)狂飆35%，今日(20日)微信小店測試「送禮物」新功能，有分析指，將有助提升騰訊電商滲透率，近年微盟大力布局人工智能(AI)業務，雖然微盟股價近日爆升，但仍然低殘，係咪反映強攻AI都幫唔到股價？
大華繼顯執行董事梁偉源指，雖然中央過去1年不停出招谷經濟，但市民消費心態仍然保守，今次小程序接入微信小店可以話係一個新出路，可以吸引到較年輕嘅消費群體。
但佢認為，線上禮物價錢平，對電商成交金額幫助唔大，但呢個新玩法有利微盟繼續研發新程序，所以微盟股價近日表現搶鏡。
