【Now財經台】截至早上11時止，1小時內《彭博》用戶關注度上升最多港股，依次為中國銀行(03988)、萬科企業(02202)、蒙牛乳業(02319)、龍湖集團(00960)、銀河娛樂(00027)。
萬科股價今日(10日)先升後跌，摩根大通話，如果明日(11日)召開嘅中央經濟工作會議再唔釋出刺激樓市訊號，例如將「止跌回穩」字眼調整為「止跌回升」，內房股有機會進一步轉弱，到底樓市政策轉向機會大唔大？
艾德金融執行董事陳政深指，即使公告寫「止跌回升」都唔代表乜嘢，樓市要升一定要睇供求，依家樓市係供過於求，令市場信心不足，所以好難扭轉整體格價，其實做到止跌回穩已經好好。
Ryan又指，要令樓市回穩及增加需求，官方出錢收購過剩住房，再轉成存量房係其中一個方法，但暫時仍未見到內地有實際措施穩住樓市，似乎仍處於目標階段。佢又重申，要解決內房問題唔係單靠一兩個指引就可以做到。
