【Now財經台】蘋果公司(Apple Inc.)將於本港時間下周二(10日)凌晨1時舉行發布會,加上內地整體手機市場有回暖跡象,市場應對手機設備股有憧憬,但相關股份近日回調,有Apple華為定單嘅瑞聲科技(02018)值唔值博?不過,睇返瑞聲技術走勢,喺雙頂位置有阻力,水位仲有幾多?
元宇證券基金投資總監林嘉麒指,睇返瑞聲基本面仍然較值博,雖然技術形態出現雙頂,股價短期或會向下,但今年人工智能(AI)產品焦點都落喺聲學產品上,有助帶動瑞聲嘅定單,收入亦高過光學產品,加上業績令市場滿意,如果下半年業績繼續有好表現,股價再上試前高位機會都幾大。