【Now財經台】蘋果公司(Apple Inc.)同華為今個星期會「撞期」開發布會，Apple概念股瑞聲科技(02018)股價已連跌6個交易日，今日(9日)失守20天線，有熱門CALL輪價外幅度相當大，行使價45元樓上，槓桿7至8倍，並比較短身，年低到期，遠價兼有時間值損耗，點解仍咁受歡迎？
中信里昂股權衍生品銷售經理李佳原指，雖然瑞聲CALL輪比較價外，但實際槓桿亦較高，所以仍受市場歡迎，如果想揀冇咁價外嘅CALL，可以考慮行使價40元，槓桿約5至6倍，今日(9日)跌到30元水平，資金開始部署好倉，行使價40元嘅CALL都有唔少資金留意。
