【Now財經台】截至早上11時止，1小時內《彭博》用戶搜尋量最多港股，依次為中國石油股份(00857)、中國銀行(03988)、中國海洋石油(00883)、騰訊控股(00700)及中國鋁業(02600)。
中行股價今日(17日)偏弱，北水昨日(16日)減持約近1900萬股，已連續5個交易日減持，早前，大行擔心內地信貸疲弱，拖累內銀第2季收入及淨息差，情況係咪咁差？內銀股後市會點走？
資深證券分析師彭偉新指，內地居民儲蓄率高，而市場廣義貨幣(M2)供應增長健康，但整體貸款需求仍未見回升，其中1個原因係樓市表現仍然唔理想，睇返過去兩年，內房每月公布嘅整體合同銷售數據，按年都大幅下跌，跌幅高達70%，因此，唔能夠再靠樓市谷貸款需求，貸款需求萎縮影響內銀盈利增長能力，佢估計，內銀股短期仍然偏弱。
