【Now財經台】截至早上11時止，1小時內《彭博》用戶搜尋量最多港股，依次為小米集團(01810)、中國神華(01088)、金沙中國(01928)、新世界發展(00017)及銀河娛樂(00027)。
小米除首度參加上海世界移動通信大會，亦頻頻喺微博放料，其中，今晚(27日)7時會發布新產品，有迪士尼公主概念魔鏡手機，同埋全新車載新單品明日(28日)開售。此外，集團昨日(26日)喺市場回購250萬股，每股17.78至17.84，涉資逾4400萬元，雖然有咁多正面消息，但小米暫時係今日跌幅最大藍籌，到底跌咩？
富途證券香港首席策略師陸秉鈞指，小米的確冇乜壞消息，股價跌勢持續主要受大市影響，跌穿6月初支持位，即17元水平後，止蝕盤湧現，今日就跟隨大市跌勢加劇。Alan又認為，小米股價跌得咁急，回購都未必頂得住，如果大市進一步下挫，小米或會下試100天線，即15.9元水平。
