【Now財經台】截至早上11時止，過去1小時內《彭博》用戶搜尋量最多港股，依次為比亞迪股份(01211)、美高梅中國(02282)、中國海洋石油(00883)、中國銀行(03988)及華潤置地(01109)。
歐盟昨日(12日)宣布，計劃7月4日起，正式向中國電動車徵收臨時性反補貼關稅，比亞迪股價今日(13日)不跌反升，一度大升近9%，衝上約7個月高位，點解股價會反高潮？
椽盛資本投資總監曾永堅指，睇返歐盟今次加徵性關稅嘅方式，同埋各間車廠嘅關稅加幅，明顯係針對中國嘅補貼政策，因為補貼政策會令歐洲車廠失去價格優勢，亦想借加關稅維持車廠嘅價格競爭力。
不過，由於歐盟冇預期咁重手，加上比亞迪喺歐洲嘅銷量佔比僅1%至3%，相信今次加關稅對中國電動車影響唔大，亦係比亞迪股價不跌反升嘅原因。
