【Now財經台】截至早上10時45分止，1小時內《彭博》用戶關注度上升最多首5隻港股，依次為吉利汽車(00175)、中國宏橋(01378)、建設銀行(00939)、紫金礦業(02899)、五礦資源(01208)。
排榜首嘅吉利股價自逾4個月高位顯著回落，半日最多跌3%至9.16元，下試10天線。
資深證券分析師彭偉新認為，吉利之前升咁多，係反映旗下電動車品牌極氪首季交付量嘅正面消息，實質欠缺基本面支持。佢解釋指，交付量按年大增1.1倍，乍眼睇數據有顯著增長，但極氪實際產量遠低於其他一、二線生產商，低基數效應令唔少人忽略極氪尚未收支平衡嘅事實。
