【Now財經台】截至早上11時止，1小時內《彭博》用戶關注度上升最多港股，依次為世茂集團(00813)、華潤置地(01109)、中國石油股份(00857)、中國宏橋(01378)、紫金礦業(02899)。
世茂昨日(25日)收市後公布境外債重組方案，股價今朝(26日)一度大升11%，之後升少一大截，重組方案包括6年短期工具、9年長期工具、1年期強制可換股債券或不同工具，債權人揀選擇支持重組方案？還是入稟清盤？
紅蟻資本投資總監李澤銘指，依家世茂根本冇錢還債，推重組方案只係延期還錢，不過，如果債權人相信內房情況會好轉，就會支持重組方案。若投資者打算揀入稟清盤，以中國恒大(03333)為例，應該只係可以攞返本金。Alan認為，世茂公布嘅重組方案應該已經同債權人傾掂數，相信唔少債權人會願意選擇支持重組方案。
